Kiketidə baş verən qanlı hadisənin təfərrüatları məlum oldu

Yerli sakinlər Kiketidəki qətl və yaralanma hadisəsinin iddia edilən təfərrüatlarından danışırlar. Yerli əhalinin dediyinə görə, 5 nəfərə atəş açan şəxs, ehtimal ki, Kiketidə yaşayır. Dəqiq olmayan məlumata görə, o, yaşayış evlərindən birində insanlara atəş açıb, yaralananlar arasında qonaqlar da var.

InterPress.ge xəbər verir ki, məlumata görə atışmadan sonra təcavüzkar hadisə yerindən qaçıb, hadisəni törədənin ailə üzvləri də evi tərk edib.

Yerli sakinlərdən birinin açıqlamasın görə, o, hadisə zamanı evdə olub və ard-arda 15-ə yaxın güllə səsi eşidib.

Əldə olan məlumata görə, yaralılardan biri yerli sakinlər tərəfindən mikroavtobusla xəstəxanaya aparılarkən dünyasını dəyişib.
***
Hüquq-mühafizə orqanlarının əməkdaşları Kiketidə qətl və qəsdən adam öldürməyə cəhd faktı üzrə bir nəfəri yaxalayıblar. 
Bu barədə Tbilisi polis idarəsinin rəis müavini Kaxa Muradaşvili hadisə yerində jurnalistlərə məlumat verib.

Onun açıqlamasına görə, təqsirləndirilən şəxs Kiketidə yaxalanıb.

Saxlanılan şəxsin sındırılmış avtomobilinə gəlincə, Kaxa Muradaşvilinin sözlərinə görə, istintaq davam edir.

***

Əldə olan məlumata görə, Kiketidə baş verən qətl və yaralanma borcla bağlıdır. Qeyri-rəsmi məlumata görə, saxlanılan şəxs pulun qaytarılması tələbi ilə qonşuluqda yaşayan ailənin yanına gedib və bundan sonra atəş açıb. Atışma nəticəsində 5 nəfər yaralanıb, onlardan biri xəstəxanaya aparılarkən yolda dünyasını dəyişib.

Hadisə zamanı qonaq qismində orada olan ailənin qohumu dünyasını dəyişib. Təqsirləndirilən şəxs şəxsi avtomobili ilə hadisə yerindən qaçıb. Avtomobil daha sonra başqa ərazidə qəzalı vəziyyətdə tapılıb.

Yaralılara gəlincə, iki yaralı kişi və iki qadın Tbilisidəki klinikalara aparılıb.