Ukrayna prezidenti: "Bu gün demək olar ki, bütün Xarkov vilayəti işğaldan azad edilib"

"Bu gün demək olar ki, bütün Xarkov vilayəti işğaldan azad edilib". 

InterPress.ge xəbər verir ki, bu barədə məlumatı Ukrayna prezidenti Volodimir Zelenski şəxsi “Telegram” kanalında yayıb.

“Bu, döyüşçülərimizin görünməmiş irəliləyişi idi. Ukraynalılar çoxlarının qeyri-mümkün hesab etdiyi işi bacardılar”, - deyə Zelenski yazıb.

Eyni zamanda o, rus ordusunun 5 aydan çox Xarkovda  olduğunu qeyd edib.

“Və bu müddət ərzində işğalçılar sadəcə dağıtdılar, talan edib apardılar. Onlar xarabalığa çevrilmiş kəndlər qoydular, bəzilərində isə bircə dənə də olsun sağ qalmış ev yoxdur. Rusiya soyqırımından başqa heç nə gətirə bilməz”, - deyə Ukrayna prezidenti qeyd edib.