2021-ci ildə Gürcüstanda 17 774 abort edilib
2021-ci ildə Gürcüstanda 17 774 abort edilib ki, bu da əvvəlki ilin ümumi abort sayından 7% azdır.
InterPress.ge xəbər verir ki, bu, Xəstəliklərə Nəzarət Milli Mərkəzinin statistik məlumatlarında öz əksini tapıb.
2021-ci ildə ölkədə qeydə alınan süni abortların payı 62,7 faiz təşkil edib.
Mərkəzdən verilən məlumata görə, ən çox süni abort 25-34 yaşlı qadınların yaş qrupunda qeydə alınıb. Ötən il bu yaş kateqoriyasında 9414 abort edilib.
Bundan başqa, 15-19 yaşlı qadınların yaş kateqoriyasında 448 abort halı qeydə alınıb.
NCDC-nin məlumatına görə, süni abort üsuluna əsasən, 2021-ci ildə dərmanlarla abortların payı əvvəlki illərlə müqayisədə artıb.
Məlumat üçün bildirək ki, 2020-ci ildə Gürcüstanda 19 039 abort edilib.