Bu gündən etibarən Rusiya vətəndaşları Aİ ilə sadələşdirilmiş viza rejimindən yararlana bilməzlər

Bu gündən etibarən Avropa İttifaqının Rusiya ilə viza rejiminin sadələşdirilməsi sazişinin dayandırılması ilə bağlı qərarı rəsmən icra olunub.

lnterPress.ge xəbər verir ki, Rusiya vətəndaşları son 15 il ərzində sadələşdirilmiş viza rejimindən istifadə ediblər.

Bu gündən etibarən onlar yenidən viza almaq üçün əlavə sənədlər təqdim etməli, daha uzun, ay yarımlıq prosedurdan keçməli və viza rüsumu kimi 35 avro əvəzinə 80 avro ödəməlidirlər.

Qeyd edək ki, Avropa İttifaqı ilə Rusiya arasında viza rejiminin sadələşdirilməsinə dair saziş 2007-ci il iyunun 1-dən qüvvəyə minib. Aİ Rusiyanın Ukraynaya müdaxiləsi səbəbindən müqaviləni dayandırıb.