Gürcüstana düyü idxalı artıb – Biz düyünü haradan alırıq?
Düyü idxalı 64,4% artıb. Bu ilin 7 ayında Gürcüstan 7 397 ton (5 532 milyon ABŞ dolları), əvvəlki ilin eyni dövründə 4 766 ton (3 147 milyon ABŞ dolları) məhsul alıb.
lnterPress.ge xəbər verir ki, bu barədə Geostat məlumat paylaşıb.
Məlumata görə, Gürcüstanın əsas düyü tədarükçüsü Pakistan, ondan sonra Hindistan və Rusiyadır.
Daha ətraflı desək, 2022-ci ilin yanvar-iyul aylarında aşağıdakı ölkələrdən düyü idxal edilib:
Pakistan – 3,976 ton (2,258 milyon ABŞ dolları)
Hindistan – 2002 ton (1904 milyon ABŞ dolları)
Rusiya – 626,9 ton (580,8 min ABŞ dolları)
Tayland – 286 ton (224,8 min ABŞ dolları)
Qazaxıstan – 131 ton (96,6 min ABŞ dolları)
Vyetnam – 122,9 ton (123,9 min ABŞ dolları)
Türkiyə - 82,9 ton (80,6 min ABŞ dolları)
İtaliya – 50,9 ton (90,6 min ABŞ dolları)
ABŞ – 36,2 ton (62,9 min ABŞ dolları)
Birləşmiş Ərəb Əmirlikləri – 28,6 ton (28,2 min ABŞ dolları)
Bundan əlavə, nisbətən az miqdarda düyü aşağıdakı ölkələrdən idxal olunur: İspaniya, Almaniya, Fransa, İran, Polşa, Çin, Livan, Hollandiya, Bolqarıstan.
Məlumat üçün bildirək ki, dünyanın ən böyük taxıl ixracatçısı olan Hindistan ağ və qəhvəyi düyü ixracına 20% vergi tətbiq edib, qırıq düyü ixracını isə tamamilə qadağan edib. Məqsəd məhsuldarlığı və orta səviyyədən aşağı yağıntılar nəticəsində azalan ehtiyatları artırmaq və yerli bazarda qiymətləri tənzimləməkdir.
Qeyd edək ki, təchizatın azaldılmasının Rusiyanın başlatdığı müharibə və quraqlıq səbəbindən onsuz da yüksək olan ərzaq qiymətlərinə yuxarı təsir göstərəcəyi gözlənilir.
