Böyük Britaniya kraliçası II Yelizaveta vəfat edib

Böyük Britaniya kraliçası II Yelizaveta 96 yaşında vəfat edib.

InterPress.ge xəbər verir ki, Britaniya mediası Bukingem sarayına əsaslanaraq məlumat yayıb.

Bukingem Sarayı bu gün, günün birinci yarısında kraliçanın səhhətinin kəskin şəkildə pisləşməsi ilə bağlı məlumat yayıb.

II Yelizaveta 70 il əvvəl 1952-ci ildə taxta çıxıb və Britaniya tarixində ən uzun müddət hakimiyyətdə olan monarxdır. Böyük Britaniyadan başqa, II Yelizaveta Kanada, Avstraliya və Yeni Zelandiya da daxil olmaqla daha 14 müstəqil dövlətin başçısı idi.