Gürcüstanda meyvə və fındıq ixracı artıb
2022-ci ilin yanvar-avqust aylarında Gürcüstan 8 ay ərzində 105,1 milyon dollar dəyərində meyvə və fındıq ixrac edib ki, bu da ötən ilin eyni dövrü ilə müqayisədə 9,5% çoxdur.
lnterPress.ge xəbər verir ki, bu barədə məlumatı Gürcüstanın Ətraf Mühitin Mühafizəsi və Kənd Təsərrüfatı Nazirliyi yayıb.
1 sentyabr 2022-ci il tarixinə Gürcüstandan ixrac edilən meyvələrin əhəmiyyətli hissəsini aşağıdakı məhsullar təşkil edir:
Fındıq - bu dövrdə ixracın dəyəri 45,2 milyon dollar təşkil edib ki, bu da ötən ilin müvafiq göstəricisindən 3,6% çoxdur. Fındıq 35 ölkəyə ixrac edilir, əsas ixrac bazarı 33 milyon dollar dəyərində fındıq tədarük edilən Aİ ölkələridir.
Şaftalı - ixrac dəyəri 28,4 milyon dollar olub ki, bu da 2021-ci ilin eyni dövrü ilə müqayisədə 3,6% çoxdur.
Qaragilə- ixracın dəyəri 8,4 milyon ABŞ dolları təşkil edib ki, bu da ötən ilin sentyabrın 1-nə olan göstəricidən 49% çoxdur.
Alma - ixrac dəyəri 5,5 milyon dollara çatıb ki, bu da ötən ilin eyni dövrü ilə müqayisədə 0,5% azdır.