ABŞ kəşfiyyatı: "Rusiya Şimali Koreyadan döyüş sursatı alacaq"

Rusiya Müdafiə Nazirliyi Ukraynada davam edən hərbi əməliyyatları dəstəkləmək üçün Şimali Koreyadan milyonlarla raket və artilleriya mərmisi almaq prosesindədir.

 lnterPress.ge xəbər verir ki, KİV-in məlumatına görə, bu barədə ABŞ kəşfiyyatının məlumatında qeyd olunub.

Adının açıqlanmasını istəməyən amerikalı rəsminin sözlərinə görə, Rusiyanın Şimali Koreyaya müraciət etməsi faktı təsdiq edir ki, Rusiya ordusu qismən ixrac nəzarəti və tətbiq edilən sanksiyalar səbəbindən ciddi silah təchizatı çatışmazlığını yaşamaqda davam edir.

Xatırladaq ki, bir neçə gün əvvəl Co Bayden administrasiyası Rusiyanın Ukraynada istifadə üçün İran istehsalı olan dronları aldığını təsdiqləyib.