Azərbaycanda koronavirusla bağlı son vəziyyət

Dünən Azərbaycanda koronavirusa (COVID-19) yeni yoluxma hallarının müəyyənləşdirilməsi üçün 7274 test aparılıb.

InterPress.ge Azərbaycan mediasına istinadən xəbər verir ki, bu barədə Azərbaycanın Tibbi Ərazi Bölmələrini İdarəetmə Birliyi (TƏBİB) məlumat yayıb.

Bununla da ölkə ərazisində indiyə qədər aparılan test sayı 449 235-ə çatıb.

Qeyd edilir ki, ölkədə bu günə kimi 14 852 nəfər koronavirusa yoluxub. Onlardan 180 nəfər vəfat edib. Hazırda aktiv xəstə sayı 6613 nəfərdir. Xəstələrdən 174 nəfəri reanimasiyada, 32-si süni tənəffüs cihazına qoşulu vəziyyətdədir.