Dedopliscğaroda maşın azyaşlı uşağı vurub

Dedopliscğaro bələdiyyəsində baş verən yol qəzasında azyaşlı ölüb. Hadisə mərkəzi magistral yolda, Zemo Kedi kəndində baş verib.

InterPress.ge xəbər verir ki, yerli sakinlərin sözlərinə görə, başqa rayondan kəndə qonaq gələn 5 yaşlı uşaq yolu keçərkən avtomobil onu vurub.

"Ailə yaş mərasiminə gəlib. Bu uşaq başqaları ilə olub. Qalan uşaqlar velosiped sürərək arxadan gedirdilər. Deyəsən yolu tez kecmək istəyib və bu zaman yolda hərəkətdə olan maşınla toqquşub”,- deyirlər kənddə.

Güclü toqquşma nəticəsində azyaşlı hadisə yerində dünyasını dəyişib.

Faktla bağlı Cinayət Məcəlləsinin 276-cı maddəsinin 6-cı hissəsi ilə istintaq başlanılıb.