Kaxa Kaladze: “Milli Hərəkat” və müxalifət siyasi böhran yaşayır – ölkədə yenidənqurma, iqtisadi irəliləyiş gedir"

Paytaxt meri Kaxa Kaladzenin sözlərinə görə, növbədənkənar seçkilərin keçirilməsi “böyük axmaqlıqdır”.

InterPress.ge xəbər verir ki, bununla o "Vahid Milli Hərəkat"ın sədri Nika Melianın "Gürcüstanda ağır siyasi böhranı yumşaltmaq üçün növbədənkənar seçkilər keçirilməlidir" brifinqinə cavab verib.

Kaladzenin sözlərinə görə, “Milli Hərəkat” və müxalifət siyasi böhran yaşayır.

“Siyasi gərginlik yaşayan müxalifətdir, konkret olaraq Milli Hərəkatdır. Ölkədə yenidənqurma, inkişaf, iqtisadi tərəqqi gedir. Növbədənkənar seçkilərə gəlincə, bu, çox böyük absurddur və çox böyük axmaqlıqdır, konstitusiyada nəzərdə tutulduğu kimi seçkilər 2024-cü ildə keçiriləcək. “Milli Hərəkat” və müxalifət siyasi böhran yaşayır”, - Kaladze bildirib.

Məlumat üçün bildirək ki, “Milli Hərəkat”ın sədri Nika Melia bu gün keçirdiyi brifinqdə bildirib ki, ağır siyasi böhranı aradan qaldırmaq üçün Gürcüstanda növbədənkənar seçkilər keçirilməlidir. “Milli Hərəkatın bütün addımları, hərəkətləri və fəaliyyəti bu məqsədə çatmağa yönələcək”, - deyə Melia bildirib.