Avropa parlamentinin üzvü müxalifətlə nələri müzakirə etdiklərini açıqladı

“Stamba” otelində “Milli Hərəkat”ın Gürcüstanda səfərdə olan Avropa Parlamentinin üzvü Anna Fotiqa ilə görüşü başa çatıb.

InterPress.ge xəbər verir ki, Fotiqa görüşün mövzusu barədə jurnalistlərə açıqlama verib.

Məlumata görə, görüşdə ölkə üçün vacib və dəyərli məsələlər müzakirə olunub.

“Mən Gürcüstan müxalifətinin nümayəndələri, o cümlədən Vahid Milli Hərəkat Partiyasının üzvləri ilə görüşdüm.  Gürcüstan üçün vacib və dəyərli olan hər şeyi danışdıq.  Həmçinin Ukraynadakı müharibə haqqında danışdıq, çünki mənim ixtisasım müdafiə və təhlükəsizlikdir”, - Anna Fotiqa bildirib.

“Milli Hərəkat”ın üzvü Baço Dolidzenin sözlərinə görə, söhbət 12 bəndlik planın həyata keçirilməsindən gedirdi.

"Biz “Gürcü Arzusu”nun nə etdiyini danışdıq, çünki o, əslində bütün prosesi sabotaj edir və ölkənin namizəd statusu almasına mane olmaq üçün hər şeyi edir, daha sonra müxalifət, vətəndaş cəmiyyəti və ya avropalı tərəfdaşları günahlandıracaqlar. “Oçneba”nı siyasi vektoru dəyişməyə məcbur etmək üçün əlimizdən gələn hər şeyi etməliyik. Onların bazası Avropa Birliyi deyil, Rusiyadır, ona görə də əsas məsələ budur”, - Baço Dolidze qeyd edib.