Kaxeti bölgəsində yanğının söndürülməsi prosesinə Sərhəd Polisinin aviasiyası cəlb olunub

Kaxeti bölgəsində, Ğvareli bələdiyyəsinin Şilda kəndi yaxınlığındakı meşə massivində yanğının lokallaşdırılması və söndürülməsi işləri aktiv rejimdə aparılır.

InterPress.ge xəbər verir ki,  yanğının söndürülməsi prosesinə Daxili İşlər Nazirliyinin Fövqəladə Halların İdarə Edilməsi Xidmətinin, Müdafiə Qoşunlarının Milli Qvardiyasının və Milli Meşə Agentliyinin əməkdaşları cəlb olunub.

Yanğın-xilasetmə və digər növ xüsusi texnika və bütün müvafiq xidmətlər səfərbər olunub.

Lokallaşdırma və ləğvetmə işlərinə Daxili İşlər Nazirliyinin Sərhəd Polisinin aviasiyası cəlb olunub.