Andrius Kubilius - "Gələn il Ukrayna və Moldova ilə Avropa İttifaqına üzvlüklə bağlı danışıqlar baş tutacaq, bu zaman Gürcüstan harda olacaq?"

"Gələn il Ukrayna və Moldova ilə Avropa İttifaqına üzvlüklə bağlı real danışıqlar başlayacaq, məncə, bu danışıqlar 3-4 il davam edəcək və 2029-cu ildə hətta qoşula bilərlər.  Burada sual yaranır ki, bu zaman Gürcüstan harda olacaq?”

InterPress.ge xəbər verir ki, bunu Avropa Parlamentinin üzvü Andrius Kubilius deyib.

O, deoliqarxizasiyadan da danışıb və qeyd edib ki, Bidzina İvanişvilinin təsirini hamı bilir.

“Sizin bir probleminiz var ki, onun haqqında danışmalıyıq, Gürcüstanda deoliqarxizasiya nə deməkdir, bunu həm Avropa Komissiyası, həm də Avropa Şurası açıq şəkildə bəyan edib. Təbii ki, hamı Bidzina İvanişvilinin təsirini bilir.  Yeni heç nə yoxdur, Aİ-yə daxil olmaq istəyən bütün postsovet ölkələrində oxşar problemlər var. Moldovanın Plahotniukla, Ukraynanın Yanukoviçlə problemi var idi, Gürcüstanın isə İvanişvilinin təsiri ilə problemi var. Bu sizin qərar verəcəyiniz bir şeydir. Növbəti onillik mühüm olacaq. Almaniya genişlənmə prosesinə rəhbərlik etməyə hazırdır. Ukrayna və Moldova ilə Aİ-yə üzvlüklə bağlı real danışıqlar gələn il başlayacaq.  Məncə, bu danışıqlar 3-4 il davam edəcək və 2029-cu ildə hətta qoşula bilərlər. Burada sual yaranır ki, bu zaman Gürcüstan harda olacaq?”, - Kubilius bildirib.