Borjomidə yanğın - Söndürmə prosesində aviasiya ilə yanaşı, hərbçilər və mühafizəçilər də iştirak edir

Hazırda Borjomi vadisində yanğının lokallaşdırılması və ləğvi işləri aparılır. 

InterPress.ge xəbər verir ki, yanğının söndürülməsi prosesində yanğınsöndürənlərlə yanaşı aviasiya da iştirak edir.

Mövcud məlumata görə, işlərə Müdafiə Nazirliyinin hərbi qulluqçuları, Mühafizə olunan Təbiət Agentliyinin mühafizəçiləri və Milli Meşə Təsərrüfatı Agentliyinin əməkdaşları cəlb olunub.

Xatırladaq ki, dünən Likani qəsəbəsindən 3 kilometr aralıda, Borjomi vadisində yanğın baş verib. Bu dəfə yanğın Borjomi-Xaraqauli qoruğunda baş verib.  Dünən gün ərzində Milli Meşə Parkında qorunan nadir bitkilər alovlanaraq yanıb.