Gürcüstan iqtisadiyyatı iyul ayında artıb

2022-ci ilin iyul ayında əvvəlki ilin müvafiq dövrü ilə müqayisədə Gürcüstan iqtisadiyyatı (ÜDM) 9,7% artıb, ilin ilk 7 ayı üzrə orta göstərici isə 10,3% müəyyən edilib.

InterPress.ge xəbər verir ki, bu, Milli Statistika Xidmətinin hesabatında qeyd olunub.

İqtisadi artım yanvarda 18%, fevralda 14,6%, martda 10,6%, apreldə 2,6%, mayda 11,6%, iyunda 7,2% olub.

Geostat-ın verdiyi məlumata görə, aşağıdakı sektorlar artıma əhəmiyyətli töhfə verib: nəqliyyat və anbar təsərrüfatı, tikinti, informasiya və rabitə, mədən sənayesi, ticarət.

Emal sənayesində azalma tendensiyası müşahidə olunub.