Tbilisidə eyvanın uçması nəticəsində 74 yaşlı qadın ölüb

Tbilisinin Çikobava küçəsində evin ikinci mərtəbəsinin eyvanının uçması nəticəsində 74 yaşlı qadın ölüb.

InterPress.ge xəbər verir ki, təcili yardım qadını klinikaya aparsa da, onu xilas etmək mümkün olmayıb.

Hadisə dünən baş verib. Qonşuların sözlərinə görə, bina bərbad vəziyyətdədir və təmirə ehtiyacı var. Onların sözlərinə görə, Tbilisi meriyası reabilitasiya üçün pul ayırıb, lakin ev sahibi bununla razılaşmayıb və binanın bərpası hələ də aparılmayıb. Mərhum kirayədə qalıb.

Artıq Daxili İşlər Nazirliyi faktla bağlı araşdırmalara başlayıb.