İrakli Ğaribaşvili Nikol Paşinyanla görüşüb

Gürcüstanın baş naziri İrakli Ğaribaşvili Ermənistanın baş naziri Nikol Paşinyanla görüşüb.

lnterPress.ge xəbər verir ki, bu barədə baş nazirin mətbuat xidməti məlumat yayıb.

Məlumata görə, təkbətək görüşdə Gürcüstan və Ermənistan Respublikasının baş nazirləri iki ölkə arasında əməkdaşlıq gündəliyinin əsas məsələlərini nəzərdən keçiriblər.

Onların məlumatlarına görə, söhbət zamanı Gürcüstan və Ermənistan Respublikası arasında ticarət-iqtisadi, nəqliyyat, logistika və mədəniyyət sahələrində mövcud əməkdaşlığa toxunulub. Mövcud sıx tərəfdaşlıq və dostluq münasibətlərinin daha da dərinləşdirilməsinin vacibliyi vurğulanıb. İrakli Ğaribaşvili İrəvanda baş verən faciəyə görə Nikol Paşinyana başsağlığı verib.

Görüşdə, o cümlədən Ermənistan və Azərbaycan respublikalarının xarici işlər nazirlərinin Tbilisidə keçirilən görüşündə də regionda sülhün və sabitliyin təşviqində Gürcüstanın mühüm rolu və səyləri qeyd edilib. İrakli Ğaribaşvili və Nikol Paşinyan regiondakı hazırkı vəziyyətdən danışıblar.