Marneuli-Qırmız körpü yolunda qəza baş verdi - Yaralılar var - FOTO

Marneuli-Qırmızı körpü yolunda qəza baş verib.

InterPress.ge xəbər verir ki, qəza sözü gedən yolun Araflı kənd hissəsində baş verib.

Məlumata görə, BMW markalı avtomobil yüksək sürətlə hərəkət edən zaman idarəetməni itirərək yoldan çıxıb və yolun kənarındakı çökəkliyə yuvarlanıb.

Qəzaya uğrayan avtomobildə 3 nəfər olub. Hadisə yerindən aldığımız məlumata görə, avtomobildə olanlar yaralı halda təcili tibbi yardım maşını ilə xəstəxanaya aparılıb.

Yaxınlarının verdiyi məlumata görə, avtomobildə üç nəfərdən biri azyaşlı olub. Onların vəziyyətinin yaxşı olduğu bildirilir.

Hal-hazırda hadisə yerinə polis cəlb olunub və araşdırma aparılır.