Külli miqdarda qiymətli metalı Gürcüstan vasitəsilə Türkiyəyə keçirməyə çalışan Ermənistan vətəndaşı saxlanıldı

Xüsusilə külli miqdarda qiymətli metalın gömrük qaydalarını pozaraq Gürcüstanın sərhədindən keçirilməsi faktı aşkarlanıb.

InterPress.ge xəbər verir ki, bu barədə Maliyyə Nazirliyinin İstintaq Xidməti məlumat yayıb.

Məlumata görə, istintaq zamanı müəyyən edilib ki, Ermənistan Respublikası vətəndaşı “Kartsaxi” gömrük-keçid məntəqəsi vasitəsilə gizli şəkildə Gürcüstandan Türkiyə Respublikasına gömrük dəyəri 133 351,74 lari olan 871,53 qram qızıl qırıntılarını keçirməyə cəhd edib.

İstintaq Gürcüstan Cinayət Məcəlləsinin 5 ildən 7 ilədək azadlıqdan məhrumetməni nəzərdə tutan 214-cü maddəsinin 2-ci hissəsi ilə aparılır.