Gömrükçülər külli miqdarda bəyan edilməmiş siqaretlər aşkar ediblər
"Sarp”, “Sadaxlı-Avtomobil” və “Kartsaxi” gömrük-keçid məntəqələrində bəyan edilməmiş siqaretlərin ölkə sərhədindən qanunsuz keçirilməsinə cəhd faktlarının qarşısı alınıb.
InterPress.ge xəbər verir ki, bu barədə Maliyyə Nazirliyinin Gəlirlər Xidməti məlumat yayıb.
Məlumata görə, Maliyyə Nazirliyinin Gəlirlər Xidmətinin gömrük əməkdaşları tərəfindən Gürcüstan, Türkiyə və Ermənistan vətəndaşlarının şəxsi və çantalarına, habelə nəzarətlərində olan avtonəqliyyat vasitələrinə baxış nəticəsində cəmi 22.540 ədəd bəyan edilməmiş siqaret aşkar edilib.
Gürcüstan Gömrük Məcəlləsinin 168-ci maddəsinin 3-cü hissəsinə uyğun olaraq qanunu pozan vətəndaşlardan mallar müsadirə edilib və hər biri sanksiya kimi 1000-1000 lari məbləğində cərimə edilib.
