Qriqol Vaşadze Saakaşvilinin siyasətdən getməsi haqda: "Gürcüstan tarixinin ən mühüm səhifəsi bağlanacaq"

"Bu, “Milli Hərəkat” üçün çox şeyi dəyişəcək, Gürcüstan siyasəti üçün Gürcüstan tarixinin ən mühüm səhifəsi bağlanacaq".

InterPress.ge xəbər verir ki, bu barədə deputat, “Milli Hərəkat”ın keçmiş sədri Qriqol Vaşadze “Viva Med” klinikasında Mixeil Saakaşvili ilə görüşdən əvvəl bəyan edib və bununla da Gürcüstanın 3-cü prezidentinin siyasətdən getməsinin mümkünlüyünü dəyərləndirib.

O, həmçinin bildirib ki, Mixeil Saakaşvilinin xaricə köçürülməsi üçün beynəlxalq səviyyədə çoxlu insanlar çalışır.

"Bir çox insan Saakaşvilini mümkün qədər tez peşəkar tibb müəssisəsinə köçürmək üçün çalışır", - Qriqol Vaşadze bildirib.