Gürcüstanda pomidorun qiyməti bahalaşıb

Bu il iyulun 22-də Gürcüstanda qırmızı pomidorun orta topdansatış qiyməti rekord həddə çatıb. Əvvəlki illə müqayisədə qiymətlər 170% bahadır.

lnterPress.ge xəbər verir ki, bu barədə EastFruit araşdırmasında qeyd olunub.

Hazırda məhsulun 1 kiloqramının orta qiyməti 2 lari olduğu halda, ötən ilin eyni dövründə pomidorun qiyməti 0,80 lari idi. Qiymətlərin kəskin artması 2022-ci il mövsümünün erkən başlamasından xəbər verir.

Qərbi Gürcüstanda pomidor yetişdirənlər hələ də soyuq temperaturdan şikayətlənirlər. Bu, çox güman ki, açıq sahədə məhsul yığımına başlanılmasını ləngidir və yüksək qiymətlər həmişəkindən daha uzun müddət qala bilər.

Bununla belə, qiymətlərlə bağlı müsbət gözləntiləri olan fermerlər də var. Onlar hesab edirlər ki, ötən mövsüm uğurlu olan və gürcü becərənlər üçün pomidora alternativ olan gül kələmi pomidor istehsalçılarının əhəmiyyətli hissəsini özünə cəlb edə bilər. Digərləri, pomidorun keçən mövsüm yaxşı qiymətləndiyini iddia edir, buna görə də çoxları kələmə keçmədi. Beləliklə, yeni açıq mövsüm üçün gözləntilər qarışıqdır.