Qudauridə xilasetmə əməliyyatı zamanı qəzaya uğrayan helikopterin göyərtəsində olan 8 nəfərin kimliyi məlum oldu

Qudauridə DİN-in sərhəd polisinə məxsus helikopterin qəzaya uğraması nəticəsində ölənlərin kimliyi məlum olub.

InterPress.ge xəbər verir ki, helikopterin göyərtəsində bu şəxslər olub: xilasedicilər - Kaxa Torçinava, Qiorqi Marqiani;  Pilotlar - Andro Kucoşvili, Levan Çoxeli, Zaza Loria, Dima Kaadze;  Təcili yardım həkimləri - Keti Qulaqaşvili, Qiorqi Venetski.

Məlumat üçün bildirək ki, Qudauridə paraşütün qayaya çırpılması nəticəsində iki nəfərin xilasetmə əməliyyatında iştirak edən sərhəd polisinə məxsus helikopter idarəetməni itirərək qəzaya uğrayıb. Helikopterin göyərtəsində olan 8 nəfərin hamısı, o cümlədən 4 ekipaj üzvü, Səhiyyə Nazirliyinin Fövqəladə Halların İdarəetmə Xidmətinin 2 xilasedicisi və Səhiyyə Nazirliyinin Fövqəladə Halların Koordinasiyası və Təcili Yardım Mərkəzinin 2 tibb işçisi həlak olub. Xarici paraşütçü də həlak olub.  Paraşütdə olan və xəsarət alan Gürcüstan vətəndaşı isə klinikaya aparılıb.

"InterPress.ge" mərhumların ailə üzvlərinə və yaxınlarına başsağlığı verir.