İrakli Ğaribaşvili: "Biz Avropaya gedirik, bu, dönməz bir yoldur"

"Hökumətin başçısı kimi mən Amerika və Avropa ilə əlaqələrimizi daha da gücləndirmək və möhkəmləndirmək üçün əlimdən gələni edirəm və edəcəyəm.  Təbii ki, bu, ölkəmizin maraqlarına uyğundur".

InterPress.ge xəbər verir ki, bu barədə Gürcüstanın baş naziri İrakli Ğaribaşvili Mestiada jurnalistlərə bildirib.

Onun sözlərinə görə, onların komandası ölkəni böyük sınaqdan xilas edib, bu da Gürcüstanın Ukraynada davam edən hərbi əməliyyatlarda iştirakı ilə bağlı idi. Ğaribaşvili qeyd edib ki, bunlara baxmayaraq, onlar ölkədə sülhü qoruyublar və nəticədə ikirəqəmli iqtisadi artım təsadüfi deyil.  O,  ABŞ ilə gələcək əlaqələrdən də danışıb.

“Şükürlər olsun ki, biz milli siyasətimizlə xalqımıza, ölkəmizə əmin-amanlığı, sabitliyi qoruyub saxlamışıq və ikirəqəmli iqtisadi artım təsadüfi deyil.  Odur ki, indi biz ölkəmizi sakit, dinc, qətiyyətlə idarə etməyə və irəli getməyə davam etməliyik. Eyni zamanda, biz əsas strateji tərəfdaşımız olan Amerika ilə münasibətlərimizi gücləndirmək üçün mümkün olan hər şeyi etməliyik.

İctimaiyyət tərəfindən çoxlu suallar verildi, bir çox siyasətçilər bu sualları verməkdə çox fəal iştirak edirlər. Çoxlu məlumatlar yayılır. Bir şeyi demək istəyirəm ki, mən hökumət başçısı kimi Amerika və Avropa ilə əlaqələrimizi daha da gücləndirmək və möhkəmləndirmək üçün əlimdən gələni edirəm və edəcəyəm, əlbəttə ki, bu, ölkəmizin mənafeyinə uyğundur. Bu, bizim əsas vəzifəmizdir.  Avropaya gedirik.  Bu, dönməz bir yoldur.  Hər hansı digər fərziyyələr əsassızdır”, – Ğaribaşvili bildirib.