“Gürcü Arzusu”ndan ayrılan deputatlar ictimai hərəkat yaradırlar

Parlamentdə və şəhər şuralarında “Gürcü Arzusu”ndan olan deputatlar ictimai hərəkat yaradırlar.

InterPress.ge xəbər verir ki,  bu barədə Sozar Subari parlamentdə keçirilən brifinqdə bildirib.

O deyib ki, Bidzina İvanişvilinin dünənki məktubu və ABŞ səfirinin ona verdiyi cavab əsasında ictimai hərəkat yaratmaq qərarına gəliblər.

Onun sözlərinə görə, hərəkatın məqsədi dövlət siyasətindəki suallara cavab vermək, ölkə üçün müharibənin qarşısını almaq və Gürcüstanın Avropaya inteqrasiyasını dönməz etmək olacaq.

Subari qeyd edib ki, Gürcüstanda müharibə baş verərsə, nə Avropa Birliyindən, nə də NATO-dan söhbət gedə bilməz, çünki Gürcüstanın dövlətçiliyi bir müddət ləğv olunacaq.