Avqustun 1-nə kimi Gürcüstanda hava necə olacaq?

Avqustun 1-dək Gürcüstanın bəzi rayonlarında isti fonunda qısamüddətli yağış yağacağı, şimşək çaxacağı gözlənilir.

InterPress.ge xəbər verir ki, Milli Ətraf Mühit Agentliyi yenilənmiş hava proqnozunu paylaşıb.

Gün ərzində havanın temperaturu Qərbi Gürcüstanın düzənlik və dağlıq ərazilərində +26, +31, Şərqi Gürcüstanın aran rayonlarında +29, +34, dağlarda +25, +30, yüksək dağlıq bölgələrində +21, +26 dərəcə təşkil edəcək.

Tbilisidə gecə və axşam saatlarında şimşək çaxacağı, qısamüddətli yağış yağacağı ehtimalı var.  Havanın temperaturunun gün ərzində +32, +34 dərəcə isti olacağı gözlənilir.