"Omikron ştammı ilə əlaqəli koronavirus hallarının əksəriyyəti yüngüldür və xəstəxanaya yerləşdirmə tələb etmir" - Qabunia

"Hal-hazırda dövriyyədə olan Omikron ştammı ilə əlaqəli koronavirus hallarının əksəriyyəti yüngüldür və xəstəxanaya yerləşdirmə tələb etmir".

InterPress.ge xəbər verir ki, bunu səhiyyə nazirinin müavini Tamar Qabunia deyib.

Onun sözlərinə görə, "Omikron" ştammını xarakterizə edən simptomlar burun axması, öskürək, temperaturun artması, ümumi zəiflik, ishaldır.

Onun sözlərinə görə, ailə həkiminin göstərişi nəzərə alınaraq virusun müalicəsi evdə, əlavə müayinə və xəstəxanaya yerləşdirilmədən davam etdirilməlidir.

“Bunlar soyuqdəymə və qrip zamanı insanda ola biləcək əlamətlərdir.  Belə bir vaxtda əlavə müayinələrə və xəstəxanaya yerləşdirməyə ehtiyac yoxdur”, - deyə Tamar Qabunia bildirib.

Nazir müavininin sözlərinə görə, son bir həftə ərzində virusa yoluxma hallarında kəskin artım olmayıb.