Avropa İttifaqı Rusiyaya qarşı sanksiyaların sərtləşdirilməsi məsələsini müzakirə edəcək

İyulun 18-də Avropa İttifaqı Rusiyaya qarşı sanksiyaların sərtləşdirilməsi məsələsini müzakirə edəcək.

InterPress.ge xəbər verir ki, Avropa İttifaqının xarici işlər nazirləri Ukraynada gərginləşən münaqişə və qlobal enerji və ərzaq böhranları fonunda Rusiyadan qızıl alışına qadağa qoyulmasını müzakirə edəcəklər.

KİV-in verdiyi məlumata görə, daha çox rusiyalının Aİ-nin qara siyahısına düşməsi də mümkündür.

Avropa Komissiyasının sədri Ursula fon der Layen deyib ki, “Moskva təcavüzünə görə yüksək bədəl ödəməyə davam etməlidir”.

Aİ-nin yüksək rütbəli rəsmisinin sözlərinə görə, Brüsselin bazar ertəsi sanksiyalarla bağlı müzakirə aparacağı gözlənilir, lakin həmin gün qərar qəbul etməyəcək.