Aİ nümayəndələri Mixail Saakaşvilinin məhkəməsini və tibbi müayinənin gedişatını müşahidə edə bilərlər

Avropa İttifaqının nümayəndələri keçmiş prezident Mixail Saakaşvilinin məhkəməsini və tibbi müayinənin gedişini müşahidə edə bilərlər.

Saakaşvilinin vəkili Şalva Xaçapuridzenin sözlərinə görə, o, bu gün Aİ nümayəndəliyində bu məsələ ilə bağlı görüşlər keçirib.

"Söhbət əsasən Saakaşvilinin səhhətindən gedirdi və bizim xahişimiz ondan ibarət idi ki, birtəhər bu müayinəni keçirə bilsinlər və ya işin gedişinə nəzarət edəcək nümayəndə təyin etsinlər. Həmçinin, məhbusun ədalətli mühakimə hüququnu təmin etmək üçün diplomatik kanallarından istifadə etmək vacib tələb idi", - Şalva Xaçapuridze bildirib.