İrakli Kobaxidze: Əgər nəzəri cəhətdən Avropa Şurasının bizə namizəd statusu vermədiyini fərz etsək, bu, qütbləşməni təşviq edən hadisə olacaq

"308 deputatın bəzisi könüllü, bəzisi isə könülsüz bu qətnaməni dəstəkləməklə Gürcüstanda qütbləşməni dəstəklədi".

InterPress.ge xəbər verir ki, “Gürcü Arzusu”nun sədri İrakli Kobaxidze bunu Gürcüstanın Birinci Kanalının “Azad baxış” verilişində deyib.

“Eyni şəkildə, Saakaşvili və Qvaramiyanın azadlığa buraxılmasından söhbət gedəndə, hər hansı bu cür bəyanatlar təbii ki, qütbləşməyə yönəlib və yeni spekulyasiyalara yol açır. Buna görə də, hər hansı belə bəyanat və qətnamə, əlbəttə ki, qütbləşməni təşviq edir.  Bu, birmənalı olaraq belədir”, - Kobaxidze bildirib.

Onun sözlərinə görə, hakimiyyət ümid edir ki, Avropa İttifaqının Avropa Parlamentinin qətnaməsində əksini tapan belə istəyi yoxdur, ancaq həqiqət acınacaqlıdır.

“Namizəd statusunun verilməməsi də özlüyündə qütbləşməni təşviq edən fakt idi. Müxalifət bu qərardan qütbləşmə üçün hər cür istifadə etməyə çalışırdı. Əgər nəzəri cəhətdən təsəvvür edə bilsəniz ki, Ukrayna və Moldovaya qeyd-şərtlə namizəd statusu verildiyi kimi bizə də verilsəydi, bu halda qütbləşmə dərəcəsi kökündən aşağı düşərdi. Kimsə qütbləşməni azaltmaq istəsəydi, dərhal bizə namizəd statusu verərdi, amma bunu hesablamadılar”, - Kobaxidze bildirib.

Bundan əlavə, İrakli Kobaxidze qeyd edib ki, dekabrda Avropa Şurası Gürcüstana namizəd statusunun verilib-verilməməsi ilə bağlı qərar verəndə də, belə olacaq.

“Avropa Şurası depolarizasiyaya, vəziyyətin yaxşılaşdırılmasına və siyasi proseslərin konstruktiv yola keçməsinə yardım etmək qərarına gəlsə, bu halda təbii ki, bizə namizəd statusu veriləcək. Siyasi baxımdan bu, şübhəsiz ki, ölkə üçün daha yaxşıdır.  Nəzəri olaraq, bizə namizəd statusunun verilmədiyini fərz etsək, bu, qütbləşmə üçün təşviq edici hadisə olardı. Ümid edirik ki, Avropa Şurası dekabrda qütbləşməni deyil, depolarizasiyanı təşviq edəcək qərar qəbul edəcək”, - deyə İrakli Kobaxidze bildirib.