Vətəndaşlar "Evə-Avropaya" aksiyasının keçiriləcəyi əraziyə toplaşırlar

Vətəndaşlar "Evə- Avropaya" aksiyasının keçiriləcəyi parlamentin ərazisinə toplaşırlar. Aksiyaya müxtəlif rayonların sakinləri də qoşulub.

InterPress.ge xəbər verir ki planlaşdırılan aksiya ilə əlaqədar əraziyə polis və təcili yardım qrupları səfərbər olunub.

Vətəndaş cəmiyyətinin təşkil etdiyi "Evə- Avropaya" aksiyası saat 20:00-da başlayacaq.

İyunun 24-də keçirilən mitinqin təşkilatçıları baş nazir İrakli Ğaribaşvilinin istefasını və milli konsensus hökumətinin yaradılmasını tələb edib və bunun üçün hakimiyyətə bu gün başa çatan bir həftəlik möhlət vermişdilər.

Məlum olduğu kimi, mitinqin təşkilatçılarının qərarına əsasən, onlar bu gecə Parlamentin ərazisində qalmağı planlaşdırırlar.