Gələn ildən Şengen zonasına səyahət edənlər üçün yeni vergi tətbiq ediləcək
Şengen zonasına səyahət edənlər əlavə 7 avro ödəməli olacaqlar.
InterPress.ge xəbər verir ki, turistlər Avropanın Səyahət və Avtorizasiya Sistemi (ETIAS) tətbiq edildikdən sonra ödəniş etməli olacaqlar.
Ərizəçilər onlayn, internet saytından və ya proqram vasitəsilə müraciət edə biləcəklər. Avropa Komissiyasının dərc etdiyi məlumata görə, ETIAS-ın alınması Aİ ilə vizasız gediş-gəlişi olan ölkələr üçün məcburi olacaq.
Avropa Komissiyasının məlumatına görə, ETIAS ərizəsinin doldurulması sadə prosedurdur və təxminən 10 dəqiqə çəkəcək. Rüsuma gəlincə, onun ödənilməsi 18-70 yaşlı ziyarətçilər üçün məcburidir. Aİ-nin məlumatına görə, ETIAS sisteminin 2023-cü ilin mayında istifadəyə verilməsi planlaşdırılır. ETİAS Aİ-yə üzv ölkələrin vətəndaşlarına və rezidentlərinə şamil edilmir və onlar blok daxilində sərbəst hərəkət edə biləcəklər.
Müraciət prosesi tam onlayn olacaq və ərizəçilərin 95%-nin cavabı müsbət olacaq. Çox nadir hallarda, təsdiqləmə prosesi üçün maksimum vaxt bir aydır. Doğrulama 3 ildir etibarlıdır və ziyarətçi sərhədi qeyri-məhdud miqdarda keçə biləcək.
