Belarusdan Ukraynanın bir sıra şəhərlərinə 24 raket atılıb

İyunun 25-də səhər saatlarında Belarus ərazisindən Ukraynaya 24 raket atılıb.  

InterPress.ge xəbər verir ki, bu barədə Ukrayna mətbuatı yazıb.

Nəşrin verdiyi məlumata görə, raketlər Jitomir şəhəri yaxınlığındakı hərbi hissələrə və  şəhər ətrafına düşüb.

“Jitomir şəhərinə raketlər düşmədi.  Gecə saatlarında hərbi obyektlər bombalandı.  Raketlər Belarus tərəfindən təyyarələrdən atıldı.  Ümumilikdə 24 raket atıldı”, - Jitomir meri Sergey Suxomlin yazıb.

Eyni zamanda, Jitomir hərbi administrasiyasının rəhbəri Vitali Buneçko raket hücumu nəticəsində bir əsgərin həlak olduğunu, digərinin isə yaralandığını bildirib.

Ukrayna Baş Qərargahı bildirib ki, Belarusdan raket hücumları təhlükəsi hələ də mövcuddur.