Ukrayna Radasi yeni qanun layihəsi imzaladı

Ukrayna Ali Radası səs çoxluğu ilə ictimai yerlərdə, mediada və nəqliyyatda rus musiqisinin ifasını qadağan edən qanun layihəsini qəbul edib.

InterPress.ge xəbər verir ki, Rada həmçinin radio və televiziya kanallarında Ukrayna musiqisi üçün kvotanı artırıb.

Qanun 1991-ci ildən və ondan sonra Rusiya vətəndaşlığı alan musiqiçilərin  əsərlərinin (o cümlədən musiqi kliplərinin) ictimai ifasının yayımını qadağan edir.

Sənədə əsasən, bu normanın pozulması halında teleradio şirkətləri lisenziya haqqının 10 faizi miqdarında cərimə olunacaqlar.

Bu, Rusiyanın Ukraynaya qarşı hərbi təcavüzünü pisləyənlərin işinə təsir etməyəcək.

İstisnalar siyahısına (və xüsusən də Ukraynada qastrol səfərlərinə) daxil olmaq üçün qanun layihəsi maraqlanan sənətkarları və ya onların nümayəndələrini müəyyən edilmiş formada Ukrayna Təhlükəsizlik Xidmətinə ərizə təqdim etməyə məcbur edir.

Sənətçilər bəyanatla yanaşı, təcavüzü pisləyən və müharibənin dərhal dayandırılmasını tələb edən bəyannamə imzalamalıdırlar.

İstisnaların siyahısının Təhlükəsizlik Xidmətinin saytında yerləşdirilib yenilənməsi təklif olunur.