Gürcüstanın baş naziri hökumət nümayəndələri ilə birlikdə Ermənistanda səfərdədir

Baş nazir İrakli Ğaribaşvili Ermənistanın baş naziri Nikol Paşinyanın dəvəti ilə Gürcüstan hökumətinin üzvləri ilə birlikdə Ermənistanda bir günlük işgüzar səfərdədir.

InterPress.ge xəbər verir ki, səfər çərçivəsində İrakli Ğaribaşvili Dilicanda Nikol Paşinyanla işgüzar görüş keçirib. 

Həmkarlar Gürcüstan və Ermənistan arasında mövcud siyasi və iqtisadi əlaqələri müzakirə ediblər. İki ölkə arasında ticarət-iqtisadi, nəqliyyat, logistika və mədəniyyət sahələrində səmərəli əməkdaşlığın mövcud olduğu vurğulandı.

"Söhbət zamanı tərəflər regiondakı vəziyyətə və mövcud problemlərin həlli üçün birgə səylərin vacibliyinə diqqət çəkiblər.

Onlar həmçinin iki ölkə arasında gələcək əməkdaşlığa və mövcud yaxın və dostluq əlaqələrinin dərinləşməsinə hazır olduqlarını bildiriblər", - Baş nazirin mətbuat xidmətinin yaydığı bəyanatda deyilir.