Gürcüstanda dollarla verilən kreditlər bahalaşacaq

TBC-nin baş iqtisadçısı Otar Nadaraia deyib ki, ABŞ Federal Ehtiyat Sistemi pul siyasətini sərtləşdirdikdən sonra Gürcüstanda xarici valyutada verilən kreditlər bahalaşacaq.

InterPress.ge xəbər verir ki, iyunun 15-də FED Komitəsinin qərarına əsasən, ölkədə yenidən maliyyələşdirmə dərəcəsi 0,75 faiz artırılıb.  

Uçot dərəcəsinin 0,75% artırılması ABŞ tarixində qeyri-adi yüksək göstəricidir - oxşar qərar sonuncu dəfə 1994-cü ildə FED tərəfindən qəbul edilib. Sərtləşdirmə nəticəsində FED-in əsas uçot dərəcəsi 2,25 - 2,5% diapazonundadır və ilin sonuna kimi 3,5%-ə yüksələcəyi gözlənilir.

Federal Ehtiyatlar Sisteminin rəhbəri Cerom Pauelin sözlərinə görə, ölkədə istehlak qiymətlərinin artım səviyyəsi FED-in qarşıya qoyduğu hədəfi əhəmiyyətli dərəcədə üstələdiyi üçün pul siyasətinin sərtləşdirilməsi qaçılmaz idi.  ABŞ-da inflyasiya keçən ay 8,6%-ə çatıb ki, bu da son 40 ilin ən yüksək səviyyəsidir.

Milli Bankın məlumatına görə, aprel ayında dollarla verilən kreditlər üzrə orta faiz dərəcəsi 7,31% təşkil edib. Mərkəzi Bank hələ may ayının məlumatlarını açıqlamayıb.