Salome Zurabişvili: "20 iyun tarixinə planlaşdırılmış mitinqdə iştirak etməyəcəyəm"

Gürcüstan prezidenti Salome Zurabişvili iyunun 20-nə planlaşdırılan mitinqdə iştirak etməyəcək. 

InterPress.ge xəbər verir ki, Zurabişvili bu barədə jurnalistlərin suallarını cavablandırarkən deyib.

 Zurabişvilinin qeyd etdiyinə görə, o, siyasi çağırışların olduğu tədbirdə iştirak edə bilməyəcək.

“Siyasi çağırışlar və təşkilatlar olan yerdə prezident birinə, digərinə, üçüncüsünə gedə bilməz. Mənim üçün təşkilatçılıq mikroavtobuslarla vətəndaşları gətirmək, fəalları toplamaq və s. demək deyil. Azad millətin azad baxışının ifadəsidir. Bizim öyrənməli olduğumuz budur. Biz yavaş-yavaş öyrənəcəyik, mən buna əminəm və heç kimin buna mane olmaması çox vacibdir”, - Zurabişvili bildirib.