Gürcüstana gələn xarici vətəndaşlara ŞAD XƏBƏR

Gürcüstan hökumətinin qərarı ilə xaricdən Gürcüstana daxil olan istənilən şəxs kovid pasport, test cavabı və izolyasiya təqdim etmək öhdəliyindən azad edilib.

lnterPress.ge xəbər verir ki, bu, Gürcüstan hökumətinin 23 may 2020-ci il tarixli 322 nömrəli “Təcrid və karantin qaydalarının təsdiq edilməsi haqqında” qərarına edilən dəyişikliklə nəzərdə tutulub.

"Gürcüstana daxil olan istənilən xarici ölkə vətəndaşı son 72 saat ərzində aparılan PCR testinin mənfi nəticəsini təqdim etmək öhdəliyindən azad edilir", - deyə qərarda qeyd olunub.

Qərar iyunun 14-də baş nazir İrakli Ğaribaşvili tərəfindən imzalanıb və bu gündən, iyunun 15-dən qüvvədədir.