Marketa Qreqorova: "Gürcüstan hakimiyyətinə xatırlatmaq istərdim ki, Gürcüstan vətəndaşları Avropa istəklərini dilə gətiriblər"
"Gürcüstan hökumətinə və hakimiyyətinə xatırlatmaq istərdim ki, Gürcüstan vətəndaşları Avropa istəklərini ifadə ediblər və bu, yüksək demokratiya standartlarını, qanunun aliliyini, məhkəmə müstəqilliyini və fundamental azadlıqları, o cümlədən azad və müstəqil medianı əhatə edir".
InterPress.ge xəbər verir ki, bu barədə Avropa Parlamentində Gürcüstanda medianın vəziyyəti ilə bağlı qətnamənin müzakirə olunduğu debatlar zamanı Avropa Parlamentinin deputatı Marketa Qreqorova bildirib.
Qreqorovanın qeyd etdiyinə görə, Gürcüstanda medianın vəziyyəti acınacaqlıdır.
“Jurnalistlərə misli görünməmiş sayda zorakılıqla hücum edilir. Jurnalistlərə qarşı hədə-qorxu, təhdid, təqib halları var. Media işçilərinə və sahiblərinə qarşı çoxsaylı cinayət işi açılıb. Bununla belə, hökumətin və digər siyasətçilərin demokratiya və cəmiyyətin sütununu müdafiə etmək əvəzinə, media ovuna qoşulması məni məyus edir.
Eyni zamanda, Gürcüstan hökumətinə və hakimiyyətinə xatırlatmaq istərdim ki, Gürcüstan vətəndaşları Avropa istəklərini ifadə ediblər, bunlara demokratiyanın yüksək standartlarının qorunması, qanunun aliliyi, məhkəmə müstəqilliyi və fundamental azadlıq, o cümlədən azad və müstəqil media daxildir. Namizəd statusu birtərəfli razılaşma deyil. Biz sizin vətəndaşlarınızın istəklərini yerinə yetirmək istəyirik, siz istəyirsiniz? Əgər belədirsə, o zaman müəyyən standartları qoruyub-saxlamaq lazımdır”, - Qreqorova bildirib.
