Sozar Subari: "Boş stul uzun müddət boş qalacaq, istər üzərinə Mixeil Saakaşvilinin adını yazsınlar, istər rəsmini çəksinlər"
"Boş stul uzun müddət boş qalacaq, istər üzərinə Mixeil Saakaşvilinin adını yazsınlar, istər rəsmini çəksinlər - Saakaşvili Gürcüstan həbsxanalarında cəza çəkən ən pis cinayətkarlardan biridir və Avropalı yoldaşlarının bunu görməməsi çox pisdir".
InterPress.ge xəbər verir ki, parlament çoxluğunun üzvü Sozar Subari Avropa Xalq Partiyasının dünənki qurultayına və tədbirdə Mixeil Saakaşviliyə xüsusi yer ayrılmasına belə münasibət bildirib.
“Mixeil Saakaşvilinin yeri ədalətli məhkəmənin hökm çıxardığı yerdir. Kiminsə buna şübhəsi varsa, artıq bir dəfə Saakaşviliyə rədd cavabı verən Strasburq məhkəməsi var. Boş stul boş qalacaq, istər üzərinə Mixeil Saakaşvilinin adını yazsınlar, istər rəsmini çəksinlər, bu stul uzun müddət boş qalmalı olacaq və ən ağrılısı o idi ki, Gürcüstanın, gürcü xalqının namizəd statusu gözlədiyi bir vaxtda Avropa Xalq Partiyası statusla bağlı bir kəlmə də demədi. “Milli Hərəkat”ın Avropada nə işlə məşğul olduğu bəlli oldu. Çox pisdir ki, EPP Gürcüstanı dəstəkləmək əvəzinə, Milli Hərəkatın göstərişləri ilə bunun əksini edir”, - Subari bildirib.
Eyni zamanda, Subarinin sözlərinə görə, “Saakaşvili sıradan məhbus deyil, o, Gürcüstan həbsxanalarında olan ən pis cinayətkardır”.
“Çox az adam oxşar cinayətlər törədib və onun törətdiyi cinayətlər şəlaləsi - insanlara hücum etmək, küçədə gülləbaran etmək, deputatları öldürmək kimi birbaşa göstərişlər verib. Saakaşvili Gürcüstan həbsxanalarında cəza çəkən cinayətkarların ən pisidir və onun avropalı yoldaşlarının bunu görməməsi çox pisdir", - Subari bildirib.
