Tbilisi merinin müavini İlia Eloşvili evində ölü tapılıb.
InterPress.ge xəbər verir ki, mer müavininin ölümünün dəqiq səbəbi hələlik məlum deyil.
Hüquq-mühafizə orqanları hadisə yerinə cəlb olunub. Onun evində istintaq tədbirləri aparılır.
Daxili İşlər Nazirliyi Tbilisi merinin müavini İlia Eloşvilinin ölümü ilə bağlı Cinayət Məcəlləsinin intiharı nəzərdə tutan 115-ci maddəsi ilə araşdırmalara başlayıb.
Meyit ekspertizaya hələ təhvil verilməyib.
Yaxınlarının dediyinə görə, Eloşvili evdə tək olub.
