İrakli Kobaxidze: "Salome Zurabişvili öz çıxışı ilə prezident institutuna xələl gətirdi"

"Gürcü Arzusu" partiyasının sədri Gürcüstan prezidenti Salome Zurabişvilinin mayın 26-da keçirilən tədbirdəki çıxışına münasibət bildirib.

InterPress.ge xəbər verir ki, İrakli Kobaxidze qeyd edir ki, prezidentin çıxışında arqumentasiya və kontekst yox idi.

“O, məhkəmənin reputasiyasına xələl gətirməyə çalışdı, amma əslində prezident institutuna xələl gətirdi”, - Kobaxidze bildirib.

Məhkəmə ilə bağlı verilən açıqlamaya gəlincə, mən hesab edirəm ki, biabırçılıq məhz həmin ifadə idi. Mən bunu çox birbaşa və cəsarətlə deyirəm.

Əvvəla, mayın 26-da, təntənəli gündə, nə danışacağını bilmədiyin vaxt bu, çox ciddi problemdir. Prezident institutunu qorumaq üçün bunu Gürcüstan prezidentinə bildirməliyik.

Əminəm bu yalan bəyanatı ilə o, məhkəmə hakimiyyətinin nüfuzuna xələl gətirməyə çalışsa da, əslində prezident institutuna xələl gətirdi.

Birincisi, konteksti bilmək lazımdır, nə vaxt, hansı bəyanatla çıxış etmək lazımdır, ikincisi, prezident arqumentsiz bəyanatlar verəndə, dövlət qurumuna hücum edirsə, bu, təbii ki, ciddi problemdir, - İrakli Kobaxidze bildirib.

Hakim partiya sədrinin sözlərinə görə, buraxılan səhvə baxmayaraq, hakim komanda prezident Zurabişvilinin bəyanatını impiçment üçün əsas hesab etmir.

Qeyd edək ki, mayın 26-da keçirilən tədbirdə çıxış edən Gürcüstan prezidenti məhkəmə sistemini kəskin tənqid edərək, bunu "biabırçılıq" adlandırıb.