Aİ-nin Gürcüstandakı səfiri gürcü xalqını Müstəqillik Günü münasibətilə təbrik edir
Avropa İttifaqının Gürcüstandakı səfiri Karl Hartzel gürcü xalqını Müstəqillik Günü münasibətilə təbrik edib.
InterPress.ge xəbər verir ki, bu, Ai səfirliyinin paylaşdığı bəyanatda qeyd olunub.
Hartzel qeyd edib ki, Aİ-nin Gürcüstanın müstəqilliyi, suverenliyi və ərazi bütövlüyünün sadiq tərəfdarı olaraq qalır.
“Gürcüstanı və gürcü xalqını Müstəqillik Günü münasibətilə ürəkdən təbrik edirəm.
Aİ Gürcüstanın müstəqilliyi, suverenliyi və ərazi bütövlüyünün sadiq tərəfdarı olaraq qalır. Bu çətin zamanda bizi Ukrayna ilə həmrəylik birləşdirir.
Biz Gürcüstanın yanındayıq və aramızdakı dərin əlaqələri yüksək qiymətləndiririk. Biz bu əlaqələrin daha da dərinləşməsini istəyirik. Martın 3-də Gürcüstan hökuməti ölkənin mütləq əksəriyyətinin arzularını ifadə edərək, Avropa İttifaqına daxil olmaq niyyətini bəyan etdi.
Gürcüstan öz tarixi dəyərlərinə əsaslanaraq seçim etdi. İndi Gürcüstanın Avropa yoluna sadiqliyini təsdiqləmək üçün qəti addımlar atmasının vaxtıdır”, - Hartzel bildirib.
