1 yanvar-15 may tarixləri ərzində Gürcüstanda ölüm halları ötən ilin eyni dövrü ilə müqayisədə 8% azalıb.
InterPress.ge xəbərinə görə, bu barədə Gürcüstan Xəstəliklərə Nəzarət və İctimai Sağlamlıq Milli Mərkəzinin hesabatında məlumat verilib.
Bildirilib ki, bu müddət ərzində Gürcüstanda 17 509 ölüm halı qeydə alınıb, bu da 2019-cu ilin eyni dövrü ilə müqayisədə 8%, 2018-ci ilin eyni dövrü ilə müqayisədə isə 3% azdır.
Hesabatda qeyd olunub ki, COVID-19 pandemiyasının yayıldığı bir vaxtda bir sıra Avropa ölkələrindən fərqli olaraq, Gürcüstanda ölüm hallarının artması müşahidə edilməyib.
Qeyd edək ki, Gürcüstanda yeni növ koronavirusla əlaqədar 14 nəfər vəfat edib.
