Gürcüstanda bu qədər Rusiya və Belarus biznesi var

İki ay ərzində Gürcüstanda 364 Rusiya və Belarus biznesi qeydiyyatdan keçib.

lnterpress.ge xəbər verir ki, bu barədə “Geostat”dan məlumat verilib.

Məlumata əsasən, bu ilin mart və aprel aylarında ölkədə ümumilikdə 364 Rusiya və Belarus subyekti qeydiyyata alınıb ki, onlardan 256-sı Rusiya, 108-i isə Belarus şirkətidir.

Ümumi rəqəmə gəlincə, ölkədə artıq 6205 Rusiya və Belarus subyekti qeydiyyatdan keçib, onlardan 5670-i Rusiya, 432-si isə Belarus şirkətidir.

Eyni zamanda 1502 Rusiya-Belarus subyekti fəaliyyət göstərir ki, onlardan 1408-i Rusiya, 94-ü isə Belarus şirkətidir.

Məlumat üçün qeyd edək ki, qərbin sanksiya tətbiq etdiyi siyahıda Rusiya şirkətləri ilə yanaşı Belarus şirkətləri də var