Mixail Saakaşvilinin anası oğlunun səhhətindən danışdı: "Oğlumu tanıya bilmirəm"

 "Mən görürəm ki, oğlum əvvəlkindən də pisdir - demək olar ki, həkimlər hər şeyi edir, çox çalışırlar, amma onu aparmaq lazımdır". 

InterPress.ge xəbər verir ki, bu barədə
Gürcüstanın üçüncü prezidenti Mixail Saakaşvilinin anası Qiuli Alasaniya oğlunun yanına Vivamedi klinikasına səfərindən sonra jurnalistlərə deyib.

Alasaniyanın sözlərinə görə, həkimlər Saakaşvili üçün klinikada mümkün olan hər şeyi edir və xəstə özü də razıdır, lakin yemək yeyə bilmir və vəziyyəti ağırdır.

 Alasaniyanın açıqlamasına görə, mövcud vəziyyətin həlli Saakaşvilinin müalicə üçün xaricə transfer edilməsidir.

“Məndə çox güclü təəssürat var. Klinikanın özü qeyri-adidir, həkimləri də bəyəndim, personal çox yaxşıdır. Düşünürəm ki, onlar hər şeyi düzgün edirlər. Ancaq bir çox diaqnozlar ona görə yavaş-yavaş qoyulur. Bu vaxt tələb edir. Problem ondadır ki, yeyə bilmir.

Onun dəhşətli zəifliyi var. İnsanın rəngi yoxdur. Oğlumu tanımıram. Başqa adamdır. Yorğun, çox pis vəziyyətdədir. Onun vəziyyəti daha ağırdır, bunu həkimlərin özləri deyirlər. Nevroloqun sözlərinə görə, vəziyyəti əvvəllər Qori xəstəxanasında gördüklərindən daha pisdir”, - Qiuli Alasania bildirib.