Avtomobil qəzası nəticəsində xəsarət alan yeniyetmə xəstəxanada həyatını itirdi

Xaşurinin mərkəzində avtomobil qəzası nəticəsində xəsarət alan yeniyetmə xəstəxanada dünyasını dəyişib. Hadisə ötən gecə Rustaveli küçəsində 13 yaşlı Nika Bantsadzeni velosiped sürərkən avtomobil vurması və yeniyetmənin ağır bədən xəsarətləri alması nəticəsində baş verib.

InterPress.ge xəbər verir ki, hadisə şahidlərinin sözlərinə görə, uşağı vuran avtomobil yüksək sürətlə hərəkət edirmiş və onu Xaşuridə yaşayan 18 yaşlı gənc idarə edib.

Daxili İşlər Nazirliyindən verilən məlumata görə, faktla bağlı araşdırmalara başlanılıb.