Baş nazir Lançxutidə aparılan bərpa işləri ilə tanış oldu

Gürcüstanın baş naziri İrakli Ğaribaşvili “Yeniləşən regionlar” proqramı çərçivəsində Lançxutidə aparılan bərpa işlərinə baxış keçirib.

lnterPress.ge xəbər verir ki, layihə çərçivəsində ümumi dəyəri 5,1 milyon laridən çox olan 12 bina və park bərpa ediləcək.

Regional inkişaf və infrastruktur naziri İrakli Karseladzenin qeyd etdiyinə görə, Lançxutidə mərkəzi meydan, mərkəzi park və magistral yoldan Lançxutiyə gedən giriş qovşağına bitişik ərazi abadlaşdırılır.

İcra, qanunvericilik və yerli hakimiyyət orqanlarının nümayəndələri baş nazirlə birlikdə Lançxutidə aparılan bərpa işlərinə baxış keçiriblər.