Axalkalakidə atışma baş verdi - Yaralanan var

Ötən gecə axşam saatlarında Axalkalakidə Azadlıq və Rustaveli küçələrinin kəsişməsində 34 yaşlı kişi yaralanıb.

lnterPreess.ge xəbər verir ki, bu barədə “Cənub Qapısı” məlumat yayıb.

Yerli sakinlər deyirlər ki, üç atəş səsi eşidilib, bundan sonra bir nəfər təcili yardım briqadası tərəfindən klinikaya aparılıb.

Yerli mətbuatın məlumatına görə, yaralı təcili əməliyyat olunub.

Daxili İşlər Nazirliyinin əməkdaşları hadisə ilə bağlı bir nəfəri saxlayıb. Faktla bağlı Cinayət Məcəlləsinin adam öldürməyə cəhd etməni nəzərdə tutan, 19-108-ci maddələri ilə istintaq aparılır.